काठमाडौं– श्रीलंकाको संसदमा बिहिबार कुटाकुट भएको छ । प्रधानमन्त्री महिन्दा राजपक्षे र विक्रमसिंघेका समर्थकबीच भएको विवाद उग्र बन्दै संसदमै झडप हुन पुगेको समाचारहरुमा जनाइएको छ ।
सांसदहरुले एकले अर्कालाई लात्तीदेखि मुक्कासम्मले हान्दै गरेको फुटेज टेलिभिजनहरुले देखाएका छन् ।
आज चर्कँदो दलीय तनावका बीच संसद बैठक बोलाइएको थियो । झडपका क्रममा दिलुम अमुनुगाम्ना नाम गरेका सांसद घाइते भएका छन् ।
बिहीबार बिहान संसद बैठक चलिरहँदा प्रधानमन्त्रीमा नियुक्त भएका पूर्वराष्ट्रपति महिन्दा राजपाक्षेका समर्थक सभामुखविरुद्ध उत्तेजित बनेपछि कुटाकुट सुरु भएको थियो ।
यसैबीच प्रधानमन्त्री राजपक्षेले सभामुखसँग ध्वनीमतबाट आफूलाई हटाउने अधिकार नरहेको दाबी गरेका छन् ।
मंगलबार संसदबाट पारित भएको अविस्वास प्रस्तावलाई लिएर उनले यो दाबी गरेका हुन् ।
राजपक्षलेले सभामुखले पक्षपातपूर्ण व्यवहार गरेको पनि आरोप लगाएका छन् ।
उनको अभिव्यक्तिपछि विपक्षी थप आक्रोशित बन्न पुगेको बताएको छ ।
