काठमाडौ – युएई विरुद्धको टी-२० सिरिजको दोस्रो खेलमा नेपाल ४ विकेटले विजयी भएको छ । युएईले दिएको एक सय ८ रनका लक्ष्य नेपालले ६ विकेटकाे क्षतिमा १९.३ ओभरमा एक सय ११ रन बनाउँदै पूरा गरेको हो । जितसँग नेपालले श्रृंखला १-१ को बराबरी गरेको छ ।
नेपालका लागि दीपेन्दसिंह ऐरीले सर्वाधिक रनकाे याेगदान गरे ।
नेपालको कप्तान पारस खड्का बिना खाता खोलि आउट भए भने उपकप्तान ज्ञानेन्द्र मल्लले ७ रन बनाए । करण केसीले २० रन बनाउँदा ओपनर प्रदीपसिंह ऐरीले ८ रन बनाए भने सन्दीप जाेराले १ रनकाे याेगदान गरे ।
यसअघि टस जितेर ब्याटिङमा उत्रिएको युएईले सबै विकेट गुमाइ १९.२ आेभरमा एक सय ७ रन जोडेको थियाे । युएईलाई सस्तैमा रोक्नका लागि नेपालका लागि अविनाश बाेहाेराले ३, सन्दीप लामिछाने, करण केसी र सोमपाल कामीले समान २/२ विकेट लिएका थिए । युएईका एक खेलाडि रन अाउट भए ।
युएईका लागि सिपि रिजवानले सर्वाधिक ४४ रनको योगदान गरे । यस्तै साइमान अनवरले १४ रन र महोम्मद बुटाले ११ रन बनाउनु बाहेक अन्य ब्याट्सम्यानले दोहोर अंक छुन सकेनन् ।