काठमाडौ- कालिकोट जिल्ला मदिरा निषेधित जिल्ला घोषणा हुने भएको छ । जिल्ला सवन्यय समिति कालिकोटको दोस्रो सभाले जिल्लालाई मदिरा निषेधित घोषणा गर्ने निती पारित गरेको हो ।
मदिराको कारण हुने गरेको विभिन्न घरेलु हिंसा र झैझगडा लगायत समाजमा परेको सामाजिक खलललाई मध्यनर गर्दै सभाले मदिरा निषेधित जिल्ला बनाउने नीति तथा कार्यक्रम पारित गरेको हो ।
जिल्ला समन्वय समितिका प्रमुख अनिपाल शाहीका अनुसार ‘सबै स्थानीय तहका जनप्रतिनीधिहरुको माग मदिरा निषेधित जिल्ला बनाउने थियो । उनले भने, अबको एक महिनामा नीति र कार्यबिधि बनाएर मदिरा निषेधित जिल्ला घोषणा गर्छौ ।’
मदिरा निषेधित जिल्ला बनाउनका लागि सबै स्थानीय तहले तयारी पुरा गरेको शुभकालिका गाउँपालिका अध्यक्ष खडानन्द चौलागाईले बताए ।
साथै, जिल्लाबाट अबैध तरिकाले जडिबुटीको निकासी तथा चोरी हुने गरेकोले जडिबुटी लोप हुने अवस्थामा पुगेको भन्दै जिल्ला सभाले एक वर्षको लागि जडिबुटी निकासीमा रोक लगाउने निर्णय गरेको छ ।