काठमाडौं - धनगढीका एक व्यापारीले आफू अपहरणमा परेको भनी नाटक गरेको पुष्टि भएपछि प्रहरीले पक्राउ गरेको छ । सेती अञ्चल अस्पतालमा समेत कार्यरत रहेका जगतबहादुर सिंहले भारत पुगेर आफ्नै परिवारलाई अपहरणमा परेकाले १५ लाख रुपैयाँ फिरौती मागेका थिए ।
उनले धनगढीमै फेन्सी पसल समेत खोलेका छन् ।
परिवारले उनको नाममा रकम जम्मा गरेपछि प्रहरीलाई खबर गरेको थियो । अनुसन्धानमा खटिएको प्रहरीले भारतीय नम्बरको मोबाइल लोकेसनका आधारमा खोजी गरी पक्राउ गरेको थियो ।