एजेन्सी – स्पेनिस महारथी रियल म्याड्रिडले शनिबार युनाइटेड अरब इमिरेट्सको अल आइन क्लबलाई ४–१ हराउदै लगातार तेस्रो पटक फिफा क्लब विश्वकपको उपाधि जितेको छ । समग्रमा रियालको यो चौथो क्लब विश्वकप उपाधि हो ।
१४ औं मिनेटमा लुका मोड्रिचले गोल गर्दै रियाललाई अग्रता दिलाएका थिए । ६० औं मिनेटमा मार्कस लोरेन्टेले अग्रता दोब्बर पारे । सर्जियो रामोसले ७९ औं मिनेटमा अर्को गोल थपे । खेल सकिन ४ मिनेट बाँकी रहँदा सुकासा सिओतानीले गोल गर्दै अन्तर कम गरे । तर इन्ज्युरी समयमा याह्या नादेरले आत्मघाती गोल गरेपछि रियल ४(१ ले विजयी भयो । अल आइनले रिभर प्लेटलाई पेनाल्टी सुट आउटमा हराउँदै रियालसंगकोको भेट पक्का गरेका थिए ।
रियलका टोनि क्रुसले ६ मध्ये पाँच क्लब बिश्वकपको उपाधि जिते । यो समग्रमा चौथो क्लब विश्वकप उपाधि हो । उनले २०१३ मा बायर्न म्युनिखबाट र २०१४, २०१६, २०१७, र २०१८ मा रियालबाट उपाधी जितेका हुन् ।
यससँँगै रियलले २००० बाट सुरू भएको प्रतियोगितामा धेरै खेल जित्ने टोलि बनेको छ । यसअघि बार्सिलोना र रियलले समान खेल जितेका थिए ।
तेस्रो स्थानका लागि भएको खेलमा अर्जेन्टिनी क्लब रिभर प्लेटले जापानको काशीमा एन्टलर्सलाई ४(० ले पराजित गर्यो । सबैभन्दा धेरै गोल गर्ने खेलाडी बनेका रियालका गारेथ बेल प्रतियोगिताको उत्कृष्ट खेलाडी घोषित भए। सिल्भर बल अल आईनका कैओको पोल्टामा पर्यो भने ब्रोन्ज बल रिभर प्लेटका सान्टोस बोरेले पाए । फेयर प्लेको अवार्ड पनि रियल म्याड्रिडले नै पायो ।
