राजविराज– सप्तरीको तिलाठी कोइलाडी गाउँपालिका ७ स्थित बभनगामा टोलमा आगलागी हुँदा ८ घर जलेर नष्ट भएका छन्।
बिन्देश्वर साफीको घरबाट सल्केको आगोले उनीसहित मन्नु साफी, प्रसाद साफी, अनन्दा साफी र प्रयाग साफीका ८ घर जलेर नष्ट भएको स्थानीय रामनाथ यादवले जानकारी दिए।
राजविराज र हनुमाननगर कंकालिनी नगरपालिकाको दमकल, स्थानीयवासी र प्रहरीको सहयोगमा आगो नियन्त्रणमा आएको छ।
क्षतिको विवरण आउन बाँकी रहेको जिल्ला प्रहरी कार्यालय सप्तरीले जनाएको छ।
