काठमाडौं – बलिउड अभिनेत्री मनिषा कोइरालाले राष्ट्रिय प्रजातन्त्र पार्टी (राप्रपा) लाई भोट दिन आग्रह गरेकी छन् । शुक्रबार पोखरामा आयोजित राप्रपाको चुनावी अभियानलाई सम्बोधन गर्दै उनले राप्रपालाई भोट दिन अपिल गरेकी हुन् । उनले भनिन्, ‘ढोकामा मौका आएको छ, यो मौकालाई हामीले खेर जान दिनु हुँदैन । त्यसैले म चाहन्छु, तपाईंहरुले राप्रपालाई धेरै भन्दा धेरै मत दिनुहोस् र जिताउनुहोस् ।’
उनले बीपीलाई नेपालका सबै नेताले बिर्सिसकेको भएपनि राप्रपा अध्यक्ष राजेन्द्र लिङ्देनले नबिर्सिएको सुनाइन् । राप्रपाको घोषणापत्र र भ्रष्टाचार विरुद्धको भाषण आफूलाई मन परेको पनि उनले बताइन् । ‘गाउँमा नेता देखे जनताले चोर आयो भन्छन् जस्ता अभिव्यक्तिले राजेन्द्र लिङ्देन मलाई मन पर्न थाल्यो,’ उनले भनिन्, ‘मलाई असाध्यै मन पर्यो ।’